21 лютага ўвесь свет адзначаў Міжнародны дзень роднай мовы.
Мерапрыемствы, прысвечаныя гэтай падзеі, прайшлі і ў нашай школе.
Вучні 3 “А” класа паказалі веды роднай мовы падчас правядзення пазакласнага мерапрыемства “Падарожжа па Краіне беларускай мовы”. З цікавасцю ўсе разгадвалі крыжаванку, чыталі вершы беларускіх паэтаў. Некаторыя вучні чыталі свае вершы. Пазнавальнымі сталі гульні “Ланцужок”, “Колькі гукаў, колькі літар?”, “Перакладчыкі”, “Складзі прыказку”. Прыемна, што вучні ўжо шмат ведаюць і ўмеюць. Але не на ўсе пытанні былі дадзены правільныя адказы. Наперадзе - новыя ўрокі, новыя знаёмствы з беларускай мовай, дзе хлопчыкі і дзяўчынкі будуць удасканальваць свае ўменні.